Esteban Carcedo, Casio González y Lluis Ánxel Suárez sumaron (y presta dicillo) por tercer vegada consecutiva, sendos puntos pa engordar la so saca virtual concursil, yá que tornaron a unviar rempuesta correuto a la entruga sobro la identificación de la semeya de la portada correspondiente. Vémoslo, si mos peta, furando per esta buraquica dixital.
La clasificación queda, entóncenes, añadiendo estos punticos, de la siguiente manera: Esteban Carcedo Roces, siete puntos; Lluis Ánxel Suárez, seis puntos; Casio González, cinco puntos; José Ramón González Suárez, cuatro puntos; Tomás Torre, tres puntos.
Semeya barboliego nuevo al cantu. Los finos y sabios participantes han de conocer esta foto. ¡A escribir como ta mandao!
DE MOMENTU NAIDE SABE DICIR QUÉ YE ESTO
Llamentablemente nun tenemos rempuesta acertao pa la entruga sobre la foto de la portada anterior. Paez como si se tuviera esborrando la memoria de la nuestra hestoria reciente. Ye una pena. A ver si con esti nuevu enfoque surde dalgún que recuerde... ¿Qué ye y ónde s'afaya esto? Y el que quiera o pueda que diga más coses...
SOLAMENTE HUBO ESTA REMPUESTA, DE LLUIS ANXEL SUÁREZ:
Fasta lluego, Lluis, fasta lluego, y la nuestra n'horabona pola acertada rempuesta. Trátase, efetivamente de la cuadra y cabañes del mayáu conocíu como El Bescón de Ludivina, na fastera d'El Valle les Fuentes, el mesmu sitiu que l'otru día tamién saliera en portada y conociera solamente Casio. Nesta ocasión, lo que s'amuesa ye precisamente la otra fachá de les cuadres, esto ye, lo que se puede ver dende dientro del prau, un poco escontra baxo les cuadres. Como nota hestórica refería a esti llugar, queremos dicir que fue aquí onde tuvo llugar, na nueche de lluna enllena d'un mes d'ochobre, el tráxicu y desigual enfrentamientu ente un grupo de guerrilleros republicanos que s'abellugaben nesti mayáu, y les fuerces de la dictadura franquista qu'atacaben por sorpresa. El combate acabó cola muerte de dellos de los fugaos... Alfredo el Gitano... Arsenio... que posteriormente fueron enterraos nel mesmu - Alfredo y otros dos collacios de Mieres nesti de Ludevina - y nel prau d'El Granxu, Arsenio, que baxó feríu hasta ellí. A dia de güei, siguen reposando, nesti Valle de les Fuentes, les sos mártires cadarmes. D.E.P.