Casio González mandó la única rempuesta que recibiemos a la entruga que se facía sobre la identificación de la semeya de la portada anterior. Como, amás, foi acertada, esti collaciu suma un nuevu puntu y agranda, d'esa manera, la diferiencia colos demás participantes. Agora sólo mos queda poner esta semeya y yá damos por finalizada la estaya primaveral del concursu.
A ver si daquién sabe qué ye y ónde s'afaya lo que representa la imaxe de qui enriba.
La clasificación queda, dempués d'esta cabera modificación, de la manera que, darréu, s'amuesa: Casio González Suárez, diez puntos; Xuacu García Cuello, seis puntos; Lluis Ánxel Suárez Suárez, seis puntos; Esteban Carcedo Roces, cuatro puntos; Xosé Antonio Camblor, tres puntos; Xosé Ramón González Suárez, dos puntos; Hugo d'El Corralón, un puntu; Vanesa d'El Corralón, un puntu.
Lluis Ánxel Suárez dixo:
Hola Xulio, voi a ver si acierto la
última, nun toi seguru pero paezme que ye un corral en La García. Y tamién
felicitar al campeón que ta demostrando que ye'l que meyor conoz la parroquia.
Ta lluego.
L
Tenemos que decir que nun ye acertada esta rempuesta del veceru Lluis Ánxel. Y, tamién, que mos peta dexar la solución d'esta cuestión pa'l futuru