Allegaron dos mensaxes al buzón dixital con rempuesta a la entruga sobro la identificación de la semeya de la portada anterior, que podemos ver puentero cenciellamente con que pichemos nesti enllaz. Agora, dempués de fechos los correspondientes cambios, la clasificación  queda de la manera que darréu s'amuesa: Toño, trenta y seis puntos; Narciso, trenta y tres puntos; Berto, venti puntos; Xuacu, deciocho puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.

Y ufrimos a continuación una nueva semeya barboliega, arreyada, como d'avezu, a la pregunta que-y correspuende: ¿Qué ye y ónde s'alcuentra lo que representa la imaxe de qui enriba?

Toño Camblor dixo:

Qué tal, Julio. La del bancu teníala mui controlá, pero, ahora, cola fueya de los árboles nun se ve nada. Pero vamos con esta. ¿Cuántos años tien esta foto, ho? Ta a mano riba de la carretera, antes de llegar a El Colláu Escobal. Paezme que se llama La Casa Nueva, pero d'esa foto, nun queden namás que los tiestos d'encima'l muro, h.a h.a h.a h.a h.a h.a h.a h.a h.a h.a.