Hubo, nesta cabera ocasión, dos mensaxes ellectrónicos apurriendo enfotada rempuesta a la entruga sobre la identificación de la semeya de la portada anterior, pero, llamentablemente, sólo una d'elles, la unviada por Casio González, yera correuta. Pa vella, pasamos, si mos peta, per esta portellica virtual.

Asina, entóncenes, la clasificación queda de la manera que darréu amosamos:

Casio González Suárez, ventiún puntos; Xosé Antonio Camblor, catorce puntos; Lluis Ánxel Suárez, once puntos; Xuacu García Cuello, diez puntos; Avelino González Suárez, nueve puntos; Ramón González Suárez, seis puntos; Daniel Fernández García, seis puntos; Esteban Carcedo Roces, cuatro puntos; Xana Llaneza Prieto, dos puntos; Marta González Llaneza, dos puntos; Pedro Carcedo Roces, un puntu; Tomás Torre, un puntu.

Y, amigos y veceros, tenemos que mos dar cuenta de que yá mos tamos acercando al final d'esta edición Iviernu-Primavera del concursu semeyil barboliegu. Na redaición, pensamos dala por acabada col presente mes de xunu, asina que, únicamente mos queden por poner unes dos o tres semeyes, aparte d'esta... Aprovechémosles pa ganar dalgún puntucu más.. De momentu, toca saber qué ye y ónde s'afaya lo que representa la imaxe de qui enriba.

 

Casio González escribió:

Hola collaciu, siguimos nel mismu valle de los gaxaperos, ye El Mofusu de Jamina, que, como sabrás, ahora cambió de dueñu. Facía falta que lo restaurare un poco. Un saludu.