Aportaron dos mensaxes al buzón dixital de la fueya barboliega con sendos mensaxes qu'apurríen rempuesta a la entruga sobro la identifición de la imaxe de la portada anterior. Vémoslos dafechamente pinchando aquí. Agora, nuevamente tenemos un empate na tiesta de la clasificación : Narciso, trenta puntos; Toño, trenta puntos; Berto, venti puntos; Xuacu, selce puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Darréu, nueva semeya y nuev aentruga correspondiente: ¿Qué ye y ónde s'alcuentra lo que representa la imaxe de qui encima?

Toño Camblor dixo:

Julio, esta d'ahora ta nel pueblu d'El Vericiusu. Conozse como la casa vieya de Severina. Ahora toco-y a la fía Olga .

Narciso Suárez dixo:

A ver, vamos pa lla a l'aventura. Esa casa paezme que ta n'El Bericiusu, antes de llegar al Centru Social, pero yo p'ahí puedo concretar poco, conozo algo de dir con Joaquín el de la Caya alguna vez, pero namás. Una así de correor yera la de Silverio, pero yá nun m'acuerdo si yera esta o non. Saludos.

Xuacu García dixo:

Hola Xulio. Esta semeya ta más controlá, véola más a menudo y paezme que Toño verála tolos dies. Ye la casa vieya de Severina, qu'ahora paezme que ye de Ferino y Olguita.Ta n'El Vericiusu. Un saludu
 

Bien precises les rempuestes apurríes por Xuacu y por Toño. Narciso acertó col pueblu y la zona del mesmu, lo que tamién val. Asina que la clasificación agora queda de la siguiente manera: Narciso, trenta y ún puntos; Toño, trenta y ún puntos; Berto, venti puntos; Xuacu, decisiete puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.