Allegaron al buzón
dixital de la fueya barboliega un total de tres
correos con mensaxe a la entruga sobro la
identificación de la semeya de la portada anterior.
Pasamos de secute a velos y lleelos si somos a furar
per esta buraca dixital.
La clasificación agora queda de la manera que
darréu s'amuesa: Narciso, venticinco
puntos; Toño, ventitrés puntos; Berto,
diecinueve puntos; Xuacu, trelce
puntos; Ástor, tres puntos; Lluis Ánxel, dos
puntos; Daniel, un puntu; Xana, un puntu; Xosé
Ramón, un puntu; Demelsa, un puntu.
Semeya nueva y entruga
tamién nueva: ¿Qué ye y ónde s'alcuentra lo que
representa la imaxe de qui enriba?
Antón
Camblor dixo:
Julio, esto de Los Pedrazos téngolo yo mui
controlao, ye la vista que tengo cuando toi sentáu delantre d'esti aparatu
escribiéndote, pero vamos un poco cola historia: esti caseríu yera de
Mero-Lisa, que tenía un molín pa baxo un cachu de la casa, xunto al río,
fue'l que preparó una dinamo, n'aquellos tiempos, y subió la lluz a casa.
Depués vendiólu a Silvo, el padre de Polo, Madina y Silvín. Estos
vendiéronlu a Julio y Covadonga de qui del pueblu. Y ahora pasó a manes de
la fía, Irene y Javier Corralón, que lu tienen destináu a pumará, de
manzanes de variedá toes asturianes. La cuadra que se ve pa la derecha ye de
Ladino, más conocíu por Trapón, y llámase La Cuesta la Lindia. Bueno, pa hoi
yá tuvo bien, así que chaoooooo.
Narciso Suárez dixo:
Esta ye del que te quedaba pa esa zona,
son Los Pedrazos. Saludos.
Xuacu García dixo:
Siguimos pela misma vera del valle de La
Cerezal. Esto ye Los Pedrazos, ahí sí que tuvi alguna vez diendo a castañes.
Saludos.