Esta vegada h.ueron dos los mensaxes que mos aportaron con rempuesta a la entruga sobro la identificación de la semeya de la portada anterior: ún acertáu y l'otru, non. Vémoslos, si mos peta, pasando per esta portellica dixital. Dempués d'esta cabera modificación, la clasificación queda de la manera que darréu amosamos: La clasificación queda sina:

La foto nueva trai, como siempre, nueva pregunta:¿Qué ye y ónde s'alcuentra lo que representa la imaxe de qui enriba?

Narciso Suárez dixo:

Namás que llegué hoi miércoles a Peraveles y miré pa La Llosa´l Valle, yá me di cuenta qu'había metío la pata. Yá vi'l chabulu de Blas que ye verde y yera la esquina que se vía a la derecha na semeya. Tenía pensao cambiar la respuesta pero llegué tarde, ja ja ja.

Bueno, al granu,  tas volviéndote un poco vagu, dispáresles desde casa, esta ye El Batán.

Xosé Antón Camblor dixo:

Julio, esta vez anduvisti mui poco, ¿que tas atareáu espardiendo cuchu, ho? Bueno, vamos cola foto, son les cases del pueblín d'El Batán. Paezme que la sacasti desde La Llosa'l Valle. Chaoooo.

Xuacu García Cuello dixo:

Hola Xulio: Esta semeya paezme que ye una vista d'El Batán.

Bien por estos tres veceros, qu'apurren rempuesta correuta y, poro, lleven sendos puntos a la so respeutiva corexa. Son les cases d'El Batán, concretamente les  que s'alcuentres más cerca del ríu. La casa na que se ve l'antena en teyáu ye la de Ludeva, onde vive agora la so nieta Ludi. La clasificación queda asina: Narciso, dieciocho puntos; Toño, selce puntos; Berto, trelce puntos;  Xuacu, seis puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.