Apaecieron nel buzón dixital de la fueya barboliega dos mensaxes con rempuesta a la entruga sobro la identificación de la semeya de la portada anterior. Y los dos, afortunadamente pa los sos remitentes, acertaos. Nun tenemos más que pasar per esta portica dixital pa ser a velos. La clasificación queda asina: Berto, once puntos; Narciso, once puntos; Toño, siete puntos; Ástor, tres puntos; Lluis Ánxel, dos puntos; Xuacu, dos puntos; Daniel, un puntu; Xana, un puntu.

Y, collacios, ¡alantre col varal!. ¿Qué ye y ónde s'alcuentra lo que representa la imaxe de qui enriba?

Alberto González Orviz dixo:

Esa  cabañuca cola  paré desfecha, ye la que ta nel Bescón de Ludivina, dellau la cuadra. Un saludu .

Xulio, yo siempre oyí en casa desde pequeñu, que los guerrilleros, ente ellos l'hermanu mio güelu Maro, Arsenio " El Llargu", agospiábense ena cuadra, no ena cabaña. Fíjate  que  la cuadra yera más segura porque tien dos puertes y depués de saber que taben copaos, salieron pela puerte que da pa Les Xanes corriendo en varies direcciones disparando y tirando bombes de mano. L'hermanu mió güelu tiró abaxo pero heridu yá de muerte y fue atopáu muertu col troncu dobláu ena reguera como en posición de querer beber. Finalmemnte fue enterráu nel Granxu, na falda de un fayéu a lo cimero la reguera . Ena cuadra quemaron vaques de mió tataragüela Ludivina pol fuebu de les bombes que tiraron pa facelos salir y los asesinos llevaron un xatu pa comelu y celebrar l'asesinatu. Los chivatos, los que-yos prepararon la encerrona de muerte, como en munchos sitios d'Asturies onde fueron traicionaos los guerrilleros, yeren vecinos de la parroquia. Eso ye lo que oyí desde pequeñu. Un saludu.