FOTOGRAFÍA ENSIN IDENTIFICAR

Aportaron al buzón dixital de la fueya barboliega dos mensaxes con rempuesta a la entruga sobro la identificación de la semeya de la portada anterior. Vémoslo bien si somos a pasar per esta saltaera virtual. La clasificación, pela so parte, atoparémosla si furamos pequí.

Y nueva fotografía que mos convoca a toos a escurrir enforma fasta ser quien a dar cola so precisa ubicación. ¿Qué ye y ónde s'afaya lo que representa la imaxe que tenemos aquí enriba?

Xuacu García Cuello dixo:

Hola Xulio:
Soi Xuacu'l de Los Caleyos. Ya facía tiempu que tenía gana entrar nel concursu; pero estes semeyes son perdifíciles. La d'esta vez paezme que ye El Prau Mayaín que ta fechu monte, ta pa enriba Los Caleyos.
 
Un saludu.

Sentimos daveres nun poder dar una allegría al nuestru collaciu Xuacu, al que prestosamente damos la bienvenía al concursu, pero esta rempuesta que mos apurre nun ye acertada.