Al buzón dixital de la fueya barboliega aportaron tres mensaxes con rempuesta a la entruga sobro la identificación de la semeya de la portada anterior. Podemos lleelos puentero, si ye que mos peta, furando per esta orixinal buraquica virtual.

Agora la clasificación queda de la manera qu'amosamos darréu: Narciso Suárez Llaneza, seis puntos; Xosé Antón Camblor, cinco puntos; Xuacu García Cuello, tres puntos; Vicente Suárez Suárez, tres puntos; Ástor Llaneza Prieto, dos puntos.

La siguiente semeya del concursu ye la que presentamos aquí. Poro, ¿qué ye y ónde s'afaya lo que representa la imaxe de qui encima?

Xuacu Gacía Cuello dixo:

Hola Xulio:

 

Yá vas a lo difícil eh? Voi probar suerte, esta cuadra paezme que ta na Mata'l Rei. Saludos.

Narciso Suárez Llaneza dixo:

Esta cuadra paezme que pasé per al pie d'ella cuando fixi la sienda, otra cosa será que m'acuerde ónde taba, ahí vamos a ver. Creo que ta pa lla de Veró antes de llegar al Regueru de la Piedra Yana, a la parte baxo la pista.Acuérdome qu'había dos o tres en ruines pehí. Saludos. (El día 27 trabayo pela mañana, si non apuntábame a dar una riolá pehí con vosotros).

 

Nun ye correuta delguna de les dos rempuestes apurríes por estos bonos veceros. Que se va a facer!!. A ver si pa la prósima hai daqué más suerte.