Marta, Xosé Ramón y Xuacu unviaron rempuesta correuta a la entrua sobre la identificación de la semeya de la portada anterior. Si mos peta miralo nun tenemos más que pasar per esta buraca virtual.
La clasificación queda de la siguiente manera: Marta González Llaneza, dos puntos; Xuacu García Cuello, dos puntos; Lluis Ánxel Suárez, un puntu; Xosé Ramón González Suárez, un puntu.
Agora, finos, a agamiar más puntos identificando la imaxe que tenemos mangada aquí enriba.
Xosé Ramón González dixo:
Siguimos en Perabeles, vense les cases de César y Gelina, así como la de Velino (q.e.p.d.) y Leontina. Tamién se ve la chabola d'Ángeles... Allá alantrones vese'l pueblu La Casuca. De la nieve nun digo ná, pos, como dicía Jamina "la de los Periódicos" al inviernu nun lu comieron los gochos. Así que tovia, algo nieve ha de venir. Un abrazu.
Marta González Llaneza dixo:
Hola Xulio:
La semeya sigue siendo del pueblu de Perabeles, vense les cases de César, Leontina y Manolo. Y, al fondo, el pueblu de La Casuca.
Un saludu.
Lluis Ánxel Suárez dixo:
Hola Xulio
Esta paezme que ye tamién en Perabeles, pero nun sé de quien son les cases. Ta
lluego
Luis A.
Esteban Carcedo Roces dixo:
Hola otra vez Xulio:
Pequí tamos otra vez col concursu, que lo guapo ye participar.
Esta semeya ye en Perabeles y son les cases de to tiu César y de
Leontina. Detrás vese'l pueblu de La Casuca.
Un saludu.
Xuacu García Cuello dixo:
Hola Xulio:
La semeya que tienes agora ye d'unes cases nel pueblu de Perabeles. Paezme la de
Miño, pola cochera de bloque, pero nun toi seguru.
Saludos a toos.
Aquí toi otra vez:
Les cases de la semeya nun son les que te punxi nel e-mail anterior; tan per
dientru'l pueblu después de pasar el túnel. Ye triste, nun conozo Perabeles!.
Ta llueu