Allá van los nomes y les respuestes correspondientes de los acertantes de la semeya de la portada anterior:
Joaquín Suárez Ordiz: Xulio, esta vez creo que ye pa Les Argayaes, aunque les cases nun sé de quién son. Y felicitaciones pa los montañeros del Texu  que yá  fixeron cumbre, yá facemos historia en Peraveles y parroquia,  pos creo son los primeros per aquí en llegar tan alto. Saludos.
Demelsa González Viña: Hola, collacios. Esto paecíame conocío, pero nun nos salía ónde yera, hasta que después de pensar, nos acordemos que yera pal Ecobal, que se llama La Cabornia. Apegao, ta la cuadra de Valor. Buenos recuerdos me trai, porque per ahí díbemos pa la Llera, yera cuando yéremos uno guajes. Un saludu.
Marta González Llaneza.- Xulio: Paezme que la semeya ye de Les Argayaes, pero yá fai tantos años que nun voi, que nun lo tengo ná claro. Un saludu.
Jorge del Recerezal: La semeya d'esta vegá ye de Les Argayaes.
Sergio Camblor: Ésta ta nel camín que va de L'Escobal a Les Argayaes, un poco pa ca d'una casa qu'arreglaron a la entrá del pueblu, que creo que ye d'un que ta de conceyal en Sotrondio.
Miguel Ángel García Suárez: Hola, collacios. Esta semeya creo que ye pa lla de L'Escobal. Lo que nun toi seguru ye de cómo se llama, creo que ye La Cabornia. Un saludu a toos/es.
Tomás Torre: Hola, esto ye la casa d'Amparo y Esteban en La Cabornia.
Jesús Orviz González: Nun toi del too seguru, pero paezme qu'eses son unes cases que tan a mitá camín ente L'Escobal y Les Argayaes.
Asina qu'entóncenes, depués d'añadir estos guapos punticos de güei, la clasificación queda de la siguiente manera: Marta González Llaneza, siete puntos; Miguel Ángel García Suárez, siete puntos; Demelsa González Viña, seis puntos; Sergio Camblor, cinco puntos; Esteban Carcedo Roces, cuatro puntos; Joaquín Suárez Ordiz, cuatro puntos; Jorge del Recerezal, cuatro puntos; Jesús Orviz González, tres puntos; Tomás Torre, un puntu..