Allegaron al buzón virtual de la nuestra fueya barboliega dos mensaxes con rempuesta a la entruga sobro la identificación de la semeya de la portada anterior, que seremos a lleer, si mos peta, arreblagando, llixero, per esta saltaera dixital. Asina, entóncenes, dempués de feches les pertinentes modificaciones, la clasificación queda de la manera que darréu s'amuesa:Toño, cuarenta puntos; Narciso, trenta y ocho puntos; Berto, venti puntos; Xuacu, venti puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.

Y, como yá anunciáremos dende va díes, vamos a llantar aquí la cabera semeya de la presente edición del concursu semeyil cola so correspondiente entruga: ¿Qué ye y ónde s'afaya lo que representa la imaxe de qui enriba?

Narciso Suárez escribió:

Una semeya mui guapa del pueblu de Veró lluciendo l'allumbráu nuevo pa terminar. Felicitar a Toño y, ná, daremos guerra si podemos pa la próxima. Saludos pa toos.
 

Xuacu García escribió:

Bueno Xulio, pa terminar el concursu escoyisti una guapa semeya del pueblu de Veró. Saludos y siguiremos asomándonos a esta páxina.

Toño Camblor escribió:

 ¿Qué tal, Julio? Yá tamos en pista otra vez. Esto ye'l pueblu de Veró, supongo yo que sería'l día qu'inaguraron l´alumbrao.