Allegaron, al buzón dixital de la fueya barboliega, sendos correos de los veceros Casio González  y Esteban Carcedo, anque solamente ún d'ellos apurre rempuesta correuta. Pa vello too enteramente, que nun vos muerda furar per esta buraca virtual.

La clasificación queda, dempués d'esta cabera modificación, de la manera que, darréu, s'amuesa: Casio González Suárez, nueve puntos; Xuacu García Cuello, seis puntos;  Lluis Ánxel Suárez Suárez, seis puntos; Esteban Carcedo Roces, cuatro puntos; Xosé Antonio Camblor, tres puntos; Xosé Ramón González Suárez, dos puntos;  Hugo d'El Corralón, un puntu; Vanesa d'El Corralón, un puntu.

Yá nun queda más qu'esta y otra fotografía, que mangaremos el llunes 23, pa dar por finada esta estaya primaveral del concursu semeyil de la nuestra collación. Güeyando la llista clasificatoria vemos que Casio yá ye, matemáticamente, el campeón de la mesma. Sicasí, animamos a tous a que respuendan a estes semeyes que falten. Como yá diximos ,esta de qui enriba ye la penúltima. ¿Qué ye lo que representa y ónde s'afaya?