Nesta ocasión, h.ueron trés los mensaxes qu'aportaron al buzón dixital de la fueya barboliega con rempuesta a la entruga sobre la identificación de la semeya de la portada anterior. Podemos vello dafechamente pinchando nesti sorrayáu. Dempués de les sumes correspondientes a los puntos algamaos, la clasificación  queda de la manera que s'amuesa de siguío: Toño, trenta y seis puntos; Narciso, trenta y tres puntos; Berto, venti puntos; Xuacu, deciocho puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Y darréu, pa da-y continuidá al concursu, llantamos semeya y entruga nuevo: ¿Qué ye y ónde s'alcuentra lo que representa la imaxe de qui encima?

Xuacu García escribió:

Esti bancu que paez tan afayaízu paezme que ta en Perabeles, en camín que sal del pueblu y cala a la carretera debaxo de casa d'Aurino, pero nun toi mui seguru.

Xosé Roberto González escribió:

La semeya ye del bancu que s'alcuentra nel cantu d'El Riocerezal, mui cerca de la fonte qu'abrieron allí fai poco.

 

Felicitamos a Xosé Roberto "Jorge'l Recerezal" pola so entrada nesta edición del concursu y por acertar dafechamente cola rempuesta a la cuestión que se plantegaba. El bancu ta, efetivamente, na carretera que va al pueblu d'El Recerezal, ente el cantu y el regueru y, como diz el veceru, cerca d'una fonte qu'iguaron ende va poco. La clasificación queda de la siguiente manera: Toño, trenta y seis puntos; Narciso, trenta y tres puntos; Berto, venti puntos; Xuacu, deciocho puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.