Esta vegada fueron cuatro los correos que mos aportaron al buzón dixital de la fueya barboliega con rempuesta a la entruga sobro la identificación de la semeya de la portada anterior. Vémoslo, si mos peta, pinchando nesti enllaz.

Nueva entruga pa tolos veceros: ¿Qué ye y ónde s'afaya lo que representa la imaxe de qui enriba?

Narciso Suárez Llaneza, y que dicía precisamente asina:

Lo que ta en primer términu ye la cuadra de Julio el de Nazarena, que tien en Perabeles, debaxo casa. Y detrás, el Bar de los Ribayos. Pero la semeya ta sacá con mui mala leche jajjaj, tuvi dando-y vueltes un cachu porque me faltaba la casa de Gonzalo y Carmen, que metióseme na cabeza que tenía que salir tamién. Saludos.

Asina resulta que, entóncenes, Narciso, al acertar, algama d'esa manera un nuevu y guapu puntu, lo que lu fai empatar na tiesta de la clasificación.

Alberto González, dos puntos; Narciso Suárez, dos puntos; Ástor Llaneza, un puntu; Lluis Ánxel Suárez, un puntu.