Siete mensaxes, siete, foron los que mos aportaron al buzón dixital de la fueya barboliega con rempuesta a la entruga sobre la identificación de la semeya de l'anterior portada. Toos ellos con rempuesta correuta. Pa vello, puentero, nun hai más que clicar no sorrayao esto.

Con esta nueva xornada, la clasificación queda modificada de la manera que darréu amosamos:

Demelsa González Viña, cinco puntos; Narciso Suárez, cuatro puntos; Daniel Fernández García, tres puntos; Xurde'l Recerezal, tres puntos; Ástor Llaneza Prieto, dos puntos;  Corralón Azul, dos puntos; Xuacu García Cuello, dos puntos; Xosé Antonio Camblor, dos puntos; Lluis Ánxel Suárez, dos puntos; Xurde Alberto García Fernández, un puntu; Xosé R. González Suárez, un puntu;

Agora, siendo ello asina, vamos a pasar, paisanos, a la siguiente semeya. Tenéis que dicir qué ye y ónde s'afaya lo que representa la imaxe de qui enriba.

Demelsa González Viña escribió:

¡H.a, h.a, h.a! ¡Como pa nun conocer esto, colo que tuvi que dir a la yerba ahí...!,Ye la cuadra que ta nel prau de La Seca de Riba, que lleva mio pá. Un saludu.

============================================

Tamién se conoz esti prau como La Seca Leo, citando asina'l nome d'un antiguu propietariu. Ye'l cimeru de los praos de la fastera de La Seca y queda encima mesmo de La Seca los Pumarones.