Pa esta fría y refrescante panorámica, allegaron, al buzón perabeliegu, los mensaxes ellectrónicos que mos pruye trescribir darréu d'ella

Esteban Carcedo Roces:

 Hola Xulio: Esta semeya ye bastante fácil, pues ta sacá desde delante  de la casa que yera de mio tia Mérica , y puede vese mui perbién la to casa y la d'El Campesino. Tamién se ven les cases d'El Cantu, y, al fondo, los pueblos de La Robellá y de Veró.
 

Jorge Alberto García:

 Hola Xulio: En primer llugar dicite que mu guapa la semeyaca de La Llosa'l Valle cola Corderera a la fondero. Ta mu guapa to casa de collorao, co l'horro que fexo to pá. Mu guapo, dan ganes de metese a calecer na cocina.

Tomás Torre:

Esto paezme que ye Perabeles. Nuna casina d'eses vivía Manuel el panadero, non na de la terraza, sinon na del final pa lla.

José Ramón González:

Quiai Xulio: Tras la guapa semeya de los rapacinos na escuela... ¡qué buenos tiempos, anque tuviéramos los cristales rotos y pasáramos frío a embute!.Por cierto, nun m'alcontré na semeya, nun sé si taré o nun me reconozo, si dalgún me localizó, por favor que me lo diga. Na semeya d´esta selmana, ta Perabeles pero acolúmbrense tamién La Rebollá, Veró, El Cantu, y El Valle les Fuentes, así como'l cordal que mos estrema de Mieres y de Llaviana. Un abrazu