Pa la entruga sobro la identificación de la semeya de la portada anterior, allegó, al buzón ellectrónicu de la fueya barboliega, un únicu mensaxe, remitíu pol veceru Casio González. Si queremos lleello, podemos facello pasando per esta cenciella buraquica virtual.
La clasificación queda, dempués d'esta cabera modificación, de la manera que, darréu, s'amuesa: Xuacu García Cuello, cuatro puntos; Casio González Suárez, tres puntos; Lluis Ánxel Suárez Suárez, dos puntos; Esteban Carcedo Roces, un puntu; Xosé Ramón González Suárez, un puntu; Xosé Antonio Camblor, un puntu.
Siguimos con nueves fotografíes, y pedimos, agora, que mos digáis qué ye y ónde s'afaya lo que representa la imaxe de qui enriba.
Lluis Ánxel Suárez dixo:
Hola Xulio. Después de da-y munches vueltes, paezme que ye una panerona que ta en Los Caleyos, lo que pasa que nun creí que taba tan deteriorá.
Ta lluego.
Casio González dixo:Hola, collaciu. La semeya d´agora ye pal pueblu de Los Caleyos. Ye l'horriu que ta de llau Casa Curtido. Un saludu.
Xuacu García Cuello dixo:
Hola Xulio:
La panera de la semeya taba en Los Caleyos, n'El Regueru. Digo taba porque ahora ta restaurá y ta en L'Entregu. Saludos.
Esteban Carcedo dixo:
Amigu Xulio:
Esta semeya tien trucu, pues isti horro yá nun ta en Santa Bárbara, pues paezme que ye'l que taba nel pueblu de Los Caleyos, pa lla un poco de Casa Curtido, y que compró Iván el de Miño pa llevalu pa so casa, en La Güeria, me paez.