Y agora pasamos a llantar, nel mostraor dixital, esta nueva semeya, con bastantes más ellementos que la otra y con mayor campu de visión, too ello col envís de que resulte más fácil pa toos la so ubicación.

Asina que vamos a por ella.

Xosé Antonio Camblor dixo:

Hola Julio, Eso ye el prau El Vaqueru. Ye de la familia de Luis el d'Urbano, de Veró, el padre de Lalio, l'abogáu.

Narciso Suárez Llaneza dixo:

Bueno, voi contestate a la semeya. Esi prau ta debaxo d'El Vaqueru,  que yera de los mios bisagüelos de L'Escobal (ta fechu monte, ye l'arbolea que se ve pela parte riba, yá nun lu conocí yo de prau), non sé si se llamará así tamién. Paezme que yera de Luis el de Veró.

Aciertu pa los dos participantes con sendos puntos pal so haber. Hai que dicir qu'esta semeya unvióla a peraveles.com el nuestru collaborador, a quien agraecemos la xentileza, Audilio González Rozada, de Veró, colos siguientes comentarios descriptivos:

COMENTARIOS D'AUDILIO

Ye la finca, "El Vaqueru", propiedá d'Eulalio, el de Luis d'Urbano, que ta enfrente de La Carba les Galleres, quedando pel medio, El Regueru de la Piedra Yana, onde s'alcuentra El Molín de Veró. Esta acertaránla dellos, yá que tien más detalles pa ser identificada. Más alantre yá t'unviaé alguna otra, si te paez bien.
 

 Lo que diz esi vecero ye cierto. Pencima d'El Vaqueru de Lalio, había otru "Vaqueru", qu'agora ta de monte y arbolea, pero que yo conocí de prau; y yera de Fausto Bernardo, "Pixota", de L'Escobal. Ahora nun sé a qué herederu-y correspondió.
Y en cuanto al de la foto, como diz el veceru, yera de Luis,  (el d'Urbano Llaneza) q.e.p.d., y qu'agora correspondió na partida que tuvieron, al so fiyu Eulalio Llaneza (Lalio, l'abogáu).

La clasificación actual podemos vella pincahndo nesti enllaz