Lluis Ánxel, Xosé Antonio, Xuacu y Casio son los cuatro veceros que, nesta ocasión, meten sendos puntos na fardela al ubicar correutamente la semeya de la portada anterior. Per esta orixinal pasera virtual entramos nel sitiu onde podemos ller los mensaxes.
Asina, entóncenes, la clasificación queda de la manera que darréu amosamos:
Casio González Suárez, venti puntos; Xosé Antonio Camblor, catorce puntos; Lluis Ánxel Suárez, once puntos; Xuacu García Cuello, diez puntos; Avelino González Suárez, nueve puntos; Ramón González Suárez, seis puntos; Daniel Fernández García, seis puntos; Esteban Carcedo Roces, cuatro puntos; Xana Llaneza Prieto, dos puntos; Marta González Llaneza, dos puntos; Pedro Carcedo Roces, un puntu; Tomás Torre, un puntu.
Y, agora, como siempre, una nueva semeya al cantu... ¿Qué ye y ónde s'afaya lo que representa la imaxe de qui enriba?
Casio González diz:
Bueno, cambiamos de pueblu y de valle. Nesta ocasión toca pal valle los gaxaperos, ye la cuadra de Pachín el d'El Rezaleru. que ta nel prau Regueru. Un saludu.
Nota de la redaición: A esta rempuesta solamente tenemos que-y correxir el nome de la finca na que s'atopa esta cuadra de Pachín del Rezaleru. Trátase, en realidá, d'una de les finques conocíes como El Prau Matías, yá que les que lleven el nome d'El Prau Regueru queden un poco más arriba.