El mensaxe que mos aportó al buzón dixital con rempuesta a la entruga sobro la identificación de la semeya de la portada anterior podemos lleelu dafechamente pasando per esta portiella dixital. Per otra parte la clasificación agora queda de la manera que darréu s'amuesa: Narciso, trenta puntos; Toño, ventinueve puntos; Berto, venti puntos; Xuacu, selce puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.
Y siguimos con semeya y entruga correspondiente nuevo: ¿Qué ye y ónde s'afaya lo que representa la imaxe de qui encima?
Toño Camblor escribió:
Hola Julio. Estes dos, fastidióme muncho'l mal tiempu, y nun pudi asomame a El Colláu Espín, pero vamos siguir dando guerra. Esto d'ahora ye la cuadra de Marino en L'Azorea. Chaoooooo.Narciso Suárez escribió: Esta, cuando la miré la primer vez, faigo yo "ya ta, ye del camín de carro que va per detrás de les cases y cuadres de L'Edráu, pero al mirala meyor ya me di cuenta que nun yeren y ahí quedemos. Jajajaja, sóname pero nun hai manera d'ubicala. Un saludu.
| Rempuesta acertada la unviada por Toño, al ubicar la semeya en pueblu de L'Azorea, dientro la fastera del valle de La Cerezal. Asina, la clasificación queda nuevamente empatada nos dos primeros puestos: Narciso, trenta puntos; Toño, trenta puntos; Berto, venti puntos; Xuacu, selce puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu. |