Nesta ocasión fueron cuatro los mensaxes recibíos nel buzón de la fueya barboliega con sendes rempuestes a la entruga sobro la identificación de la semeya de la portada anterior. Si mos peta velos puentero, nun tenemos más que furar per esta buraca dixital. La clasificación queda de la siguiente manera: Narciso, venticuatro puntos; Toño, ventidós puntos; Berto, diecinueve puntos; Xuacu, dolce puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.
Agora presentamos semeya y entruga nuevo: ¿Qué ye y ónde s'alcuentra lo que representa la imaxe de qui enriba?
Xuacu García escribió:
Esti pueblu que pones ahora creo que se llama La Nespral. Ta tamién po la misma zona del valle La Cerezal. Ahí tamién tengo gana dir, que nunca tuvi. Saludos.Narciso Suárez escribió: Esto ta un poco mas abaxo, ye La Nespral, nun toi de velo desde esa perspectiva, pero pola casa que ta ensin teyáu paezme que ye la d'un paisano que se llamaba Manolín, que taba mal el hombre y andaba arriba y abaxo camín de Sotrondio con unes moyaúres bárbares. Tengo yo la imaxe d'él, de dir na linia pa escuela y tar él en Pontón sentáu en muro, comiendo una loncha de bacalao crúo, cortándo-y cachos con una navaya y afumándo-y el llumbu de la moyaúra que traía.
Antón Camblor escribió:
Hola, Julio, ¿qué ye cansasti,ho? Ahora pónesles mui fáciles. Esta de frente, de blanco, ye la casa de Miliano, qu'heredó Fael, y vendióla a unos madrileños, pero aparen poco pehí. Eso llámase La Nespral. Lo de mas pa lla ye la casa que yera de Manolín el de La Casuca, ahora ta restaurándola Varela el fíu, tocóme a mi char algo d'hormigón pellí, ho.
Respuestes válides les tres enviaes por estos veceros. Sendos puntos s'apurren, poro, a los sos respeutivos remitentes. Sólamente queremos puntualizar lo siguiente: la casa que se ve a la izquierda, n'obres y ensin techu, nun ye propiamente La Nespral, llámase propiamente La Casuca, onde vivía'l famusu Manolín del que falen Narciso y Toño nos sos mensaxes. La clasificación, agora queda asina: Narciso, venticinco puntos; Toño, ventitrés puntos; Berto, diecinueve puntos; Xuacu, trelce puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.