Semeya unviada por Audilio González Rozada

Nel buzón dixital de la fueya barboliega apaecieron tres correos con otros tantos mensaxes qu'apurríen rempuesta a la entruga sobro la identificación de la semeya de la portada anterior. Berto, Toño y Narciso resulten ser los respeutivos remitentes. Y los tres dieron, felizmente, en clavu. Pa vello too ello nun tenemos más qu'abrir esta portiella dixital y pasar ensin mieu a la correspondiente paxinica. La clasificación queda de la manera siguiente: Berto, once puntos; Narciso, diez puntos; Toño, seis puntos; Ástor, tres puntos; Lluis Ánxel, dos puntos; Xuacu, dos puntos; Daniel, un puntu; Xana, un puntu.

Y siguimos alantre col varal. Semeya y entruga nuevo:¿Qué ye y ónde s'atopa lo que representa la imaxe de qui enriba?

Xosé Antón Camblor escribió:

Esta ye la misma foto, ta coyía de mas abaxo, vese El Vaqueru , los praos de la parte baxo llámense Les Galleres, llámense asina porque tan debaxo de la carba  que lleva'l mismu nome, antes yeren d'Aurora y Secundo El Chato de La Robellá, ahora son de Ramonín el de Veró.

Narciso Suárez escribió:

Paezme que la semeya ye de Les Galleres. Un saludu.

 

Correutes les dos rempuestes y, poro, un guapu puntu pa cada ún de los dos participantes. La clasificación agora queda d'esta manera:Berto, once puntos; Narciso, once puntos; Toño, siete puntos; Ástor, tres puntos; Lluis Ánxel, dos puntos; Xuacu, dos puntos; Daniel, un puntu; Xana, un puntu.