Imaxe unviada por Audilio González

A causa de les incidencies ocurríes durante les selmaes pasaes que fixeron que nun se pudieran ofrecer les imáxenes del concursu cola frecuencia habitual, vamos a prorrogar la duración d'esta edición iviernu 2008 hasta l'acabaúra del presente mes de marzu. La clasificación ta bastante reñida y nun hai tovia un claru ganador. Asina que ¡bona suerte a tous!.

Nesta ocasión tuviemos cuatro mensaxes con rempuesta a la entruga correspondiente a la imaxe de la portada anterior, toos cuatro acertaos: Ramón, Xuacu, Antón y Xana. Podéis vello, si queréis, pinchando nesti sorrayao.

La clasificación queda, entóncenes, dempués de sumar estos puntos, de la manera qu'amosamos darréu: Xuacu García Cuello, once puntos; Xosé Ramón González Suárez, diez puntos; Marta González Llaneza, seis puntos; Esteban Carcedo Roces, cinco puntos; Lluis Ánxel Suárez, cuatro puntos;  Xosé Antonio Camblor, cuatro puntos; Tomás Torre, un puntu; Xana Llaneza Prieto, un puntu.

Agora, pa seguir sumando puntos, decíi qué ye y onde s'afaya lo que representa la imaxe de qui enriba

Xosé Antonio Camblor dixo:

Esta foto ta saca desde la Carva les Galleres. Los praos de la parte baxo, lleven el mismu nombre y yeren  de la familia de los Chatos de la Robellá. L'otru prau de la foto ye EL VAQUERU, que ye de familia de Luis el de Veró. 
 

Lluis Ánxel Suárez dixo:

Hola Xulio, esta última ye tamién la carba del Vaqueru. Los praos que se ven debaxo, los primeros son los de Ramón el de Veró.  Ta lluego.
 
Luis