Daniel, Xosé Antón, Narciso y Xuacu son los cuatro veceros participantes que tenemos nesta ocasión, yá qu'apurrieron corréu con rempuesta a la entruga sobro la identificación de la semeya de la portada anterior. Si mos peta, vemos tolo qu'escribieron pinchando nesti sorrayáu.
Dempués d'esto, la clasificación queda modificada de la manera que darréu amosamos:
Narciso Suárez Llaneza, nueve puntos; Daniel Fernández García, ocho puntos; Demelsa González Viña, siete puntos; Lluis Ánxel Suárez, siete puntos; Xuacu García Cuello, siete puntos; Xosé Antonio Camblor, seis puntos; Xurde'l Recerezal, cuatro puntos; Corralón Azul, cuatro puntos; Ástor Llaneza Prieto, tres puntos; Xurde Alberto García Fernández, dos puntos; Xosé R. González Suárez, dos puntos.
Y agora colgamos una nueva foto serondiega pa la so identificación. Hai que dicir qué ye y ónde s'afaya lo que representa la imaxe de qui enriba.
Xana Llaneza Prieto diz:
Pues ná, pá. Esa foto ye d'un horro de Paniceres, que mos costó tanto sacá-y la foto, h.e h.e.
Saludinos.
Xuacu García Cuello diz:
Hola Xulio: L'horru que tienes puestu ahora na páxina paezme que ta en Paniceres.
Saludos.
Narciso Suárez Llaneza diz:
Paezme l'horro de Miera Baxo, que debe ser de Cipriano. Saludos.
Lluis Ánxel Suárez Suárez diz:
Hola Xulio, esta última foto paezme que ye l'horro de Cipriano Pañeda en Miera Baxo.
Ta lluego.
&&&&&&&&&&&&&&&&&&&&&&&Llamentamos tener que dicir que solamente Narciso y Lluis Ánxel van a llevar el puntu correspondiente a la rempuesta considerada como válida. Esti horro ye, efetivamente, de Cipriano Pañeda y de Nati, la so muyer, que lu llevaron, yá va años, del pueblu de La Seca l'Agua hasta la so finca nel de Miera Medio*, dientro yá de la collación de Samartín, anque ensin salir de los términos de lo que ye, xeográficamente, el valle de Santa Bárbola.
* Nosotros tamos en que Miera Baxo ye, valga la redundancia, más abaxo, onde s'atopa l'antigua casa de piedra de Casilda y les otres que s'afayen allí cerca, antes de llegar a la barriá d'El Pontón.