Tres mensaxes foron los que mos aportaron al buzón dixital con rempuesta a la entruga sobre la identificación de la semeya de l'anterior portada. Dos d'ellos con rempuesta correuta, ya ún con rempuesta incorreuta. Pa vello puentero nun hai más que clicar nesti sorrayao.

Con esta nueva xornada, la clasificación queda modificada de la manera que darréu amosamos:

Demelsa González Viña, cuatro puntos; Narciso Suárez, tres puntos; Ástor Llaneza Prieto, dos puntos; Daniel Fernández García, dos puntos; Corralón Azul, dos puntos; Xurde'l Recerezal, dos puntos;  Xurde Alberto García Fernández, un puntu;  Xosé R. González Suárez, un puntu; Xuacu García Cuello, un puntu; Xosé Antonio Camblor, un puntu; Lluis Ánxel Suárez, un puntu.

Agora, entóncenes, vamos a pasar a la siguiente semeya d'esta edición serondiega. Tenéis que dicir qué ye y ónde s'afaya lo que representa la imaxe de qui enriba.

Lluis Ánxel Suárez dixo:

Hola Xulio, esta última paezme que ye un puente que cruza el Nalón en L'Entrego pa dir al centru comercial. Ta lluego.
 

Demelsa González Viña dixo:

Vamos saltando de parroquia en parroquia y volvemos pa L´Entregu. Ye'l puente que ta pa cruzar pa Alcampo, enfrente la barriá d'El Coto. Un saludu. Demelsa.
 

Xosé Antón Camblor dixo:

Ye'l puente que  da a la gasolinera y centro comercial de L' Entrego.

 

Narciso Suárez Llaneza dixo:

Paezme'l puente que cruza del Alcampo pa L'Entrego.

 

Xurde'l Recerezal dixo:

Anque nun lo paeza, ye verdá, conozo más de los sitios del conceyu Samartín del Rei Aurelio, que de la mió collación. Esti puente perguapu que saques nesta semeya de nueche, ye'l puente que fixeron cuando punxeron en L'Entregu el Centru Comercial. Y la barriá que se ve al fondu, ye la d'El Cotu.
Saludos.
 

Daniel Fernández García dixo:

Hola Xulio.  La d' esta selmana ye perfácil. Ye'l puente del Alcampo de L' Entregu.

 

Xuacu García Cuello dixo:

Hola Xulio:
Esta semeya ye del puente nuevu que ficieron en L'Entrego pa pasar pa Alcampo.