Los veceros Xosé Antón, Lluis Ánxel y Xuacu son los que, nesta ocasión, supieron identificar la imaxe de la portada de fin de selmana de la nuestra fueya dixital. Pa ellos son, pues, sendos y merecíos puntos. Si mos peta ver lo qu'escribieron nun tenemos más que pinchar nesti enllace

La clasificación queda, dempués d'esta cabera modificación, de la manera que, darréu, s'amuesa: Casio González Suárez, ocho puntos; Xuacu García Cuello, seis puntos;  Lluis Ánxel Suárez Suárez, seis puntos; Esteban Carcedo Roces, cuatro puntos; Xosé Antonio Camblor, tres puntos; Xosé Ramón González Suárez, dos puntos;  Hugo d'El Corralón, un puntu; Vanesa d'El Corralón, un puntu.

Siguimos con más fotografíes del ricu paisax barboliego. A ver si mos sois quien a dicir qué ye y ónde s'afaya lo que representa la imaxe de qui enriba. Avisamos de que la cabera fotografía d'esta edición de primavera vamos a mangala na fueya el prósimu llunes día 23, una vegada entrada yá la estación del branu.