Los mensaxes qu'aportaron al buzón dixital de la fueya barboliega apurriendo rempuesta a la entruga sobro la identificación de la semeya de la portada anterior fueron concretamente dos, que podemos ver puentero cenciellamente con pinchar nesti enllaz. La clasificación, agora, queda de la manera que darréu amosamos: Toño, trenta y cinco puntos; Narciso, trenta y tres puntos; Berto, venti puntos; Xuacu, decisiete puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.
Pasamos de siguío a llantar semeya y entruga nuevo: ¿Qué ye y ónde s'afaya lo que representa la imaxe de qui encima?
Xuacu García Cuello dixo:
Hola Xulio: Esta semeya paezme que ye'l bancu que ta na recta d'El Cantu la Fócara, pal valle de La Cerezal. Un saludu.
Toño Camblor dixo:
Julio, esti bancu ta frente mio casa, na carretera que vien de La Bobia. Púnxolu ahí Miguel, el suegru de Joaquín. Por ciertu, ¿ónde anda, qu'últimamente nun mos contesta ninguna? Cuando ta bueno van de paséu Lucía y Marina, la güela de Magali, y faen una paraína, porque a La Bobia yá-yos paez muncha tira. Chaoooooo.Narciso Suárez dixo:
Lo d'El Rebollusu tienes razón, nun sé cómo se me metió na cabeza lo otro. Cuando me vea Jose va chame los perros. El bancu esti non sé ónde lu atropasti, tará hacia La Bobia, por decir algo, porque pela carretera de La Colladiella y la de Veró paezme que nun ta. Saludos.
Esti bancu atópase, como bien dicen Xuacu y Toño, na carretera que va de La Muezca la Bobia escontra La Espesura y La Riega, pela zona d'El Cantu la Fócara, na costanera mandrecha del valle La Cerezal. Llamentamos que la rempuesta de Narciso seya demasiao imprecisa: La Bobia queda yá pa la parte de Sanamiés y, poro, nun mos paez correcta la so rempuesta. La clasificación queda, dempués de les correspondientes modificaciones, de la manera que darréu amosamos: Toño, trenta y seis puntos; Narciso, trenta y tres puntos; Berto, venti puntos; Xuacu, deciocho puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.