Tuviemos tres mensaxes con sendes rempuestes a la entruga sobre la identificación de la imaxe de la portada anterior. Dos d'elles, correutes; ya una, incorreuta. Vamos a vello too si pinchamos nesti enllace.

La clasificación queda, dempués d'estes modificaciones, de la manera que darréu s'amuesa: Xuacu García Cuello, cuatro puntos; Lluis Ánxel Suárez Suárez, dos puntos; Casio González Suárez, dos puntos; Esteban Carcedo Roces, un puntu; Xosé Ramón González Suárez, un puntu; Xosé Antonio Camblor, un puntu.

Siguimos con nueves fotografíes, y pedimos que digáis qué ye y ónde s'afaya lo que representa la imaxe de la presente portada.