Aportaron al nuestru buzón dixital un total de tres correos con otres tantes rempuestes a la entruga sobro la identificación de la semeya de l'anterior portada.Vamos a lleelos darréu furando per esta orixinal buraca
Y siguimos nel concursu. ¿Qué ye y ónde s'afaya lo que representa la imaxe de qui enriba?
Narciso Suárez Llaneza dixo: Esta ye internacional jajjaj ye La Polaúra en romería, vista desde la carretera que va pa La Encruciyá, pero nun debe de ser d'esti añu porque'l tiempu nun acompañó. Un saludu.
---------------------------------------------
Alberto González Orviz dixo: Paezme qu'esta semeya va acertala muncha xente. Creo que ye en La Polaúra.
Alberto González Orviz.
SALUD Y REPÚBLICA
---------------------------------------------------
Ástor
Llaneza Prieto dixo: Esta semeya de xuro
que la acierto!
Na imaxen vese al fondo La Campa l´Arquera, con xente na perguapa romería que se cellebra´l 15 d´agostu. Tamién se ve La Fuente la Polaúra.
------------------------------------------------------
Lluis Ánxel Suárez dixo: Hola Xulio.
Préstame pola vida qu´empieces otra vez col concursu de les semeyes, ye mui entretenío.
Esta paezme que ye La Polaúra y arriba L´Arquera (y debe de ser la fiesta pol barullu xente que se ve), desde la pista que sube a La Encruciyá. Ta lluego. Luis A. Suárez
Pues eso ye lo que tenemos: cuatro sabios acertantes que lleven de secute los correspondientes puntos que merecen y que-yos apurrimos encantaos de la vida. Poro,la clasificación queda de la siguiente manera:
Alberto González, dos puntos; Narciso Suárez, un puntu; Ástor Llaneza, un puntu; Lluis Ánxel Suárez, un puntu.