Dos fueron los mensaxes que mos aportaron al buzón dixital con rempuesta a la entruga sobro la identificación de la semeya de la portada anterior. Vémoslos dafechamente si pinchamos nesti enllace. Dempués d'ello, la clasificación queda precisamente de la siguiente manera: Narciso, selce puntos; Berto, trelce puntos; Toño, trelce puntos; Xuacu, cuatro puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.

Siguiente cuestión: ¿Qué ye y ónde s'afaya lo que representa la imaxe de qui enriba?

Xuacu García dixo:

Hola Xulio: Esta fuente ta en Los Caleyos,llamase La Fuente El Sapu
 

Xosé Antón Camblor dixo:

Julio, sigues poniéndomelo mui difícil, esta ye nel pueblu de Los Caleyos, paezme que se llama La Fuente'l Sapu.

Narciso Suárez dixo:

Vuelves a tirar pa Los Caleyos, esa ye La Fuente'l Sapu, que ta en Les Cabañes. Pehí andaba yo de guah.e con Noel cuando tenimos yerba ahí debaxo en El Leru. E que necesite rabos de rocín pa infusiones, hai una llamarga allí que paez que los siembren (ahora ye de Gaspar tola Llosa menos tres o cuatro cachos per baxo, o nesa cuenta toi). Viendo estes fotos empieces a char cuentes de los años que nun pases pela zona en cuestión y daste cuenta de lo rápido que pasa esto (yá me pasó cuando punxisti la casa de Luisito). Así qu'hai qu'aprovechar lo que se pueda. Saludos.

Efetivamente trátase de La Fuente'l Sapu, poco antes de llegar a Les Cabañes, viniendo d'El Regueru, too ello nel pueblu de Los Caleyos. Bebeeru pal ganao y llavaeru, too ello funcional y artesano. Tantu serviviu como fexo y agora asina... La clasificación queda de la siguiente manera: Narciso, diecisiete puntos; Toño, catorce puntos; Berto, trelce puntos;  Xuacu, cinco puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.