Los cuatro mensaxes que mos unviaron al buzón dixital con rempuesta a la entruga sobro la identificación de la semeya de la portada anterior podemos velos, si mos peta, pinchando nesti enllaz. La clasificación, pela so parte, camuda daqué cambiando de cabezaleru y quedando de la manera que vos amosamos darréu: Berto, diez puntos; Narciso, nueve puntos; Toño, cinco puntos; Ástor, tres puntos; Lluis Ánxel, dos puntos; Xuacu, dos puntos; Daniel, un puntu; Xana, un puntu.
El concursu sigue con una nueva semeya. Hai que dicir qué ye y ónde s'alcuentra lo que representa la imaxe de qui enriba?
Alberto González Orviz escribió:
Yá tamos aquí otra vez:Ena semeya pué vese, na parte cimera derecha´l Picu Tres Conceyos: Y la pista ye la que pasa pel cordal d'El Picu L'Ubiu y El Picu L'Ubillín o L'Ubillán , colando en dirección a El Picu Tretu.
Xosé Antón Camblor escribió:
Hola. Lo que se ve pa la parte derecha ye El Picu la Guarda. Y lo que ta rodeao pola pista, per aqui llámen-y El Colláu Piedra.Narciso Suárez Llaneza escribió:
Nun doi una últimamente. Voi tener que dar la vuelta al valle tres o cuatro veces de penitencia. A ver esta. De los tres picos que tan ahí xuntos voi dicite que ye'l que ta encima de La Carba la Guarda y que debe llamase El Picu la Guarda. La foto sacaríala Audilio cuando la d'El Vaqueru de un poco más arriba.
| Consideramos que son acertaes les
rempuestes de los tres participantes. El Picu la Guarda o El Picu
Colláu Piedra son dos nomes pa lo mesmo, según la parte de la
parroquia de la que seya l'observador. Trátase del picu que corona
La Carba la Guarda. La clasificación queda, entóncenes, agora, asina:Berto, once puntos; Narciso, diez puntos; Toño, seis puntos; Ástor, tres puntos; Lluis Ánxel, dos puntos; Xuacu, dos puntos; Daniel, un puntu; Xana, un puntu. |