Con rempuesta correcto a la entruga sobre la semeya (...) aportaron,
al buzón de la fueya dixital, los siguientes mensaxes ellectrónicos:
Joaquín Suárez: Xulio, esta semeya nun sé ónde
ye exactamentete, pero paezme que debe ser per El Batán o pel Puzu
la Olla, pues vese un canal d'un molín, y al final vese El Riu Cerezal.
Xuacu.
Sergio Camblor: Lo que se ve al fondo son les cases que tan pallá
del Riocerezal onde vive Manolo, el tíu de Demelsa. La foto me paez
que ta tomá desde El Batán o El Puzu Molinón.
Miguel Ángel García Suárez: Hola Xulio y demás
collacios. Esta vez la semeya ta perdifícil, yá que ye un poco
rebuscá, pero teniendo en cuenta que los mios oríxenes son d'aquella
zona, por eso la conozo. Esto ye El Batán, una presa qu'hai de llau
de casa d'Inacio y Domitila q. e. p. d. Debía dir pa un molín que
ta a la parte baxo con el techu caíu. Y el pueblu que se ve al fondo
ye El Rocerezal. Un saludu a toos/es.
Pues, efetivamente, la foto ta sacada dende El Batán,
al pie la presa que llevaba l'agua pal molín que se llevantaba a la
mano baxo, y del que tovía queden actualmente dalgunos restos en pie.
Les cases del fondo son les d'El Rebollusu, el barriu más soleyeru
del conxuntu de les fasteres de Perabeles y El Recerezal.
