Tenemos nel buzón dixital de la fueya barbliega dos mensaxes con rempuesta a la entruga sobro la identificación de la semeya de la portada anterior. Vémoslos dafechamente dende esti orixinal y virtual ventanucu.

Agora, la clasificación queda de la siguiente traza: Narciso Suárez Llaneza, nueve puntos; Xosé Antón Camblor, siete puntos; Xuacu García Cuello, cuatro puntos; Vicente Suárez Suárez, cuatro puntos; Ástor Llaneza Prieto, dos puntos.

La semeya que magamos pa la siguiente entruga aquí la podéis agüeyar. Asina que ¿qué ye y ónde s'afaya lo que representa la imaxe de qui enriba?

Xosé Antón Camblor dixo:

Julio, ésta ye la pista que sal de La Bobia, pasa per Los Pedrazos, Les Vaúgues, va hasta El Molín de Bárbola y sal otra vez a la carretera xunto al puente. Chaooooooooooooooooooo.

Vicente Suárez dixo:

Hola Xulio, aquí tamos cerca del llímite, compañeru. Ye La Muezca la Bobia, el camín que sube de Los Pedrazos y La Fócara. La sebe de la izquierda ye d'un prau que se llama EL Berregusu.

Un saludu pa toos.

Bones les dos rempuestes, que valen pa que los remitentes ganen sendos puntos.