Nesta ocasión, solamente mos allegó un mensaxe con rempuesta a la entruga sobro la identificación de la semeya de l'anterior portada, que seremos a lleer selemente si pinchamos nesti enllaz. Agora, fechu'l cambiu pertinete, la clasificación queda de la manera qu'amosamos darréu: Narciso Suárez Llaneza, cuatro puntos; Xuacu García Cuello, tres puntos; Xosé Antón Camblor, tres puntos, Ástor Llaneza Prieto, dos puntos, Vicente les Cases de Baxo, un puntu.

Y, como d'avezu, vamos a llantar una nueva semeya cola so entruga correspondiente:¿Qué ye y ónde s'afaya lo que representa la imaxe de qui enriba?

Xosé Antón Camblor dixo:

Hola,Julio. Menuda semanita llevo, pero bueno la vida continua. Esta ye mui fácil, paezme que la sacasti desde El Pandu Cabu´porque vese mediu valle de la hijuela, La Polaúra, El Rezaleru, El Colláu Escobal, etc. Bueno Chaoooooooooooooooooooooooo.

Narciso Suárez dixo:

 Yá me paez que vas camín d'E Bescón. Bueno, esta panorámica empezando pela derecha del todo y pe riba, el poco prau que se ve allí paezme que tien que ser debaxo de La Campa Prau Felguera (qu'eso ahora ta too unío y ye d'El Brillante, esa zona llamase La Payega los Ratos), El Colláu Espín, El Colladiellu del Moreno, La Cuestona, un poco El Picón, El Picu l'Artusu, L'Arquera (el picu paezme que nun se ve), y algo de les polaúres. Depués, más abaxo, L'Edráu, El Colláu Escobal y El Rezaleru. Paezme que val así, nun m'enrollo más.

Vicente Suárez dixo:

Hola Xulio. Nesta semeya vemos buena parte de la oriella izquierda del valle de La Hijuela, lo más destacao pue ser El Colláu Escobal, El Rezaleru, L´Edráu. Y, pelo alto, L´Arquera, L´Artusu, La Peñona.
Un saludu pa toos.

Bones y bastante precises les esplicaciones de los tres veceros. Solamente dicí-y a Toño que la semeya nun ta sacada puramente dende El Pandu Cabu, anque, evidentemente, tampoco pudo ser dende mui lloñe.