Lo primero que queremos asoleyar güei son los saludos pa los montañeros del Aconcagua,
que yos salga too bien, que con admirable sinceridá
mos unvía Joaquín Suárez Ordiz (Xuacu la Casuca). Y,
anque la respuesta a la entruga sobre la semeya anterior nun-y la podemos dar como correuta, la verdá ye que tampoco
fue muncho lo que s'alloñó de la mesma. Los correos nos que
sí que se contestaba acertadamente fueron estos que llantamos darréu:
Miguel Ángel García Suárez: Hola
Xulio y demás collacios. La semeya anterior nun me dio tiempu contestala
y ésta conózola bien yá que ye la casa de una tía
de mio pa, Arsenia, pero de toos los que contestamos a les semeyes el que
meyor la conoz ye Audilio. Un saludu a toos/es.
Jesús Orviz González: Eso ye n´El Colláu Escobal.
La casa de mandrecha ye onde vivía Lilo (q.e.p.d) y Selina.
Jorge del Recerezal: La casa que se ve na semeya ye la d'Arsenia, n'El
Colláu Escobal, y delláu ta la casa onde tenía
la barbería, Lilón, el suegru de Castaño. Jorge.
Esteban Carcedo Roces.- Hola Xulio: Agora cambiasti otra vez de pueblu,
pues esta semeya ye la casa de Lilón n´el pueblu d'El Colláu
Escobal.
Marta González Llaneza.- Xulio: Anque nun toi mui segura, paezme
que ye El Colláu Escobal. Un saludu.
Demelsa González Viña: Hola collacios. La semeya
d'esta selmana ye nel pueblu d'El Colláu Escobal, y ye la casa d'Arsenia;
y de llau ta la de la suegra Castaño. Un saludu. La clasificación queda, entóncenes,
depués d'añadir estos guapos punticos de güei, de la siguiente
manera: Marta González Llaneza, cinco puntos;
Miguel Ángel García Suárez, cuatro puntos;
Esteban Carcedo Roces, cuatro puntos; Joaquín Suárez
Ordiz, tres puntos; Demelsa González Viña, tres puntos; Jorge
del Recerezal, tres puntos; Sergio Camblor, dos puntos; Jesús Orviz
González: dos puntos.
