Nel buzón dixital de la fueya barboliega tenemos solamente un mensaxe con rempuesta a la entruga sobro la identificación de la semeya de l'anterior portada. Podemos lleelu dafechamente pasando per esta saltaera dixital. En nun habiendo modificación delguna, la clasificación sigue talmente como la dexemos na sesión anterior: Toño, cuarenta puntos; Narciso, trenta y siete puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.
Nun queremos privar a los veceros participantes de l'allegría que siempre produz el fechu de dar col sitiu qu'apaez na foto de portada. Poro, vamos a ufrir una nueva con una migaya más de campu qu'espramos valga p'ayudar a descifrala. Venga, ¿qué ye y onde s'afaya?
Narciso Suárez dixo:
Ta difícil ésta. A ver, será la fuente que ta debaxo del prau de Veli (Carrigüe) en los Llimanales. Hai tiempu que nun paso pehí y nun m'acuerdo mui bien cómo taba. Saludos.
| Nuevamente tenemos que dar un non a
la rempuesta que se mos unvía pa la identificación de la semeya de
la presente portada. Esti conxuntu hídricu nun s'afaya debaxo de Los
Llimanales, como mos apunta Narciso, ta pa otra zona. Y como yá
tuviemos que dicir, hai cuatro díes, que tampoco s'alcontraba en
camín que va desde El Colláu Escobal a La Paré, vamos a dar yá la
rempuesta y la identificación precisa. Trátase de la que se conoz
como La Fuente Mateo, en camín que va ente casa Aurora y Casa
Teresa, en pueblu de La Casa Cima. A la mano riba d'esta fuente, ta
la finca de La Bornaína, y un pizcu más arriba atópense los praos
d'El Mayáu la Fonta. El depósitu que se ve na imaxe abastez d'agua
potable a parte del pueblu de La Casa Cima. Asina, entóncenes, la clasificación queda igual que taba: Toño, cuarenta puntos; Narciso, trenta y siete puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu. |