Lluis Ánxel, Casio y Xosé Antón son los tres veceros que, nesta ocasión, supieron identificar la imaxe de la portada anterior de la fueya dixital barboliega. Pa ellos son, pues, sendos y merecíos puntos.
La clasificación queda, dempués d'esta cabera modificación, de la manera que, darréu, s'amuesa: Casio González Suárez, ocho puntos; Xuacu García Cuello, cinco puntos; Lluis Ánxel Suárez Suárez, cinco puntos; Esteban Carcedo Roces, cuatro puntos; Xosé Ramón González Suárez, dos puntos; Xosé Antonio Camblor, dos puntos; Hugo d'El Corralón, un puntu; Vanesa d'El Corralón, un puntu.
Siguimos con nueves fotografíes del ricu paisax barboliego. A ver si mos sois quien a dicir qué ye y ónde s'afaya lo que representa la imaxe de qui enriba.
Xosé Antón Camblor dixo:
Julio, esto son les cuadres de Ramonín que tan en pueblu de Veró, onde pasa la sienda que va a El Texíu. Apegao ta la casa de Lalio l'abogáu.
Lluis Ánxel Suárez dixo:
Hola Xulio, esto paezme que ye en Veró, pero yá ta cambiao, ya te vale!!!
Ta llueguín.
Xuacu García dixo:
Hola Xulio:
La semeya que tienes puesta na páxina ye d'unes cuadres qu'hai en Veró, saliendo pel camín que va al llavaeru y al molín.
Saludos.