Nestos dos dis que tuvo na portada de la revista, allegaron al buzón peraveliegu cuatro mensaxes, d'otros tantos veceros, apurriendo rempuesta afayaíza a la entruga que nella se plantegaba. Si voz paez, vamos a asoleyalos darréu
Sergio Camblor: Ye'l pueblu de La Espesura. De frente vemos la casa de Sito; más a la drecha, la de  Níbar y Chelo; al fondo, El Vericiusu; nel medio vemos el Centro Social, el que tien el teyáu alargáu; y más a la derecha, les cases de mio pa y mio güela, q.e.p.d., les d'amarillo.
Miguel Ángel García: Hola, Xulio y demás collacios. Esta foto, pa deleite del nuestru vecín Abel, al qu'aprovecho pa manda-y saludos de parte mía (Miguel) y del mio hermanu Jose, vuelve a ser La Espesura, pero desde otru ángulo. Vese atrás el centro social y demás. Lo dicho: un saludu a toos/es y n'especial pa Abel.
Jesús Orviz González: Perguapa semeya de la parte alta de La Espesura. Detrás vense algunes cases d´El Vericiusu, y tamién el Centro Social.
Demelsa González Viña: Hola. Esto pa mi nun ye ná conocío, porque, aunque sea de la parroquia, esti pueblu nun lu conozo, mio ma siempre me diz que si nun fui nunca con ellos cuando repartía mio pa carbón, porque d'eso conozo algo más, pero aquí nunca fui. Tengo amigos pa hi, tendré que dir un día a velos y así conocelo. Bueno, a lo que voi, con l'ayuda de los mios pas dígote que ye'l pueblu de La Espesura, pero coyío desde riba. Al fondo vemos el centro social y el pueblu d'El Vericiusu. Un saludu.