Los mensaxes qu'aportaron al buzón dixital de la fueya barboliega con rempuesta a la entruga sobre la identificación de la semeya de la portdaa anterior fueron dos: el de Narciso y el de Toño. Podemos velos puentero si pasamos per esta buraquica virtual. La clasificación queda dende agora de la manera que darréu amosamos: Narciso, quince puntos; Berto, trelce puntos; Toño, dolce puntos; Xuacu, cuatro puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.

Pasamos, entóncenes, agora mesmo, a semeya y entruga nuevo: ¿Qué ye y ónde s'alcuentra lo que representa la imaxe de qui encima?

Narciso Suárez escribió:

Esta ta mas escondía. Esa cuadrina paezme que ta na zona Los Llimanales, nun sé si  se llamará así concretamente esi prau. Hai munchos años que nun paso pehí (habrá 15 años que fui por 3 o 4 garfios de unes cerezales que tien Manuel al pie la cuadra y que son muy buenes) y nun m'acuerdo mui bien pero paezme que pue ser de Generoso, porque ahí nesa zona tienen los tres hermanos él, Manuel y Juan. Sacarisla desde'l camín que pasa per detrás y que sal arriba pal monte o pues cruzar La Mata'l Rei pa salir pa L'Edráu pela carretera.

Vense ahí los cables de la famosa Lada-Velilla que tien ahí na Mata'l Rei un armatroste coyonudu.

Xosé Antón Camblor escribió:

Julio, éstes, desde la zona mia, son casi imposibles d'acertar , pero paezme que ye na parte alta d'El Colláu Escobal. Creo que ta debaxo de la pista que pasa xunto al to prau, y tira abaxo direción a La Casa Cima. Pa concretate un poco mas, la pista fai una curva, desde donde va la entrá pal prau. Después d'esti rollu a ver si acerté.

 

Con tanta y tan detallada esplicación creemos qu'entrambos sois merecedores del correspondiente puntu que s'apurre a los acertantes. P'acabar de precisar la ubicación, diremos qu'esi prau llámase El Cantu y ta pa riba del pueblu d'El Colláu Escobal.El pueblín del fondu a mano izquierda ye El Rezaleru, y a la mano derecha vense unes cases del de La Robellá.  Pasando a la clasificación, darréu vemos cómo queda: Narciso, selce puntos; Berto, trelce puntos; Toño, trelce puntos; Xuacu, cuatro puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.