Pa la semeya de la portada anterior, fueron tres los paisanos que dieron col sitiu que representaba la imaxe. Asina ye que mandaron mensaxe, con rempuesta correuta, los veceros Xosé Antonio, Xuacu y Casio, que d'esta manera, sumen un guapu puntu cada ún.
Entóncenes, en faciendo les cuentes pertinentes, vamos a ver que la clasificación queda de la manera que darréu amosamos:
Casio González Suárez, dieciocho puntos; Xosé Antonio Camblor, dolce puntos; Lluis Ánxel Suárez, nueve puntos; Xuacu García Cuello, nueve puntos; Avelino González Suárez, ocho puntos; Ramón González Suárez, seis puntos; Daniel Fernández García, seis puntos; Esteban Carcedo Roces, tres puntos; Xana Llaneza Prieto, dos puntos; Marta González Llaneza, dos puntos; Pedro Carcedo Roces, un puntu; Tomás Torre, un puntu.
Y, agora, semeya nuevo al cantu... ¿Qué ye y ónde s'afaya lo que representa la imaxe de qui enriba?
Lluis Ánxel Suárez diz:
Hola Xulio, ésta ye la fuente de Les Cases de Baxo, que ta al pie del lavadero que punxisti l'utru dia. L'anterior nun me dio tiempu a contestala.
Otra cosa, mándote unes fotos del corral y la cabaña que, fai una temporá, te había mandao non sé quién pa saber onde taba. Nun sé cómo se llama, pero ta debaxo la pista que va a los praos d'El Texíu, un poco pa lla de la principal que sube de La Colladiella a La Campa Cimera... Ye que pasé l'utru día pellí... jejeje.
Ta lluego.
Avelino González Suárez diz:
Hola Xulio, la semeya d'esta selmana ye la fuente del lavadero d'El Montesín. Veo qu'ahora tas muncho pal valle La Cerezal. Un saludu.
Esteban Carcedo Roces diz:
Xulio:
Esta semeya paezme que ye la fuente del llavaeru d'El Montesín, que ye nes Cases de Baxo.
Xosé Antonio Camblor diz:
Esta ye la fuente que ta apegá al lavadero d'El Montesín.
Casio González diz:
Hola collaciu, seguimos pa la parte de La Cerezal. La fuente y el bebederu d´agora son n'El Montesín, que tan apegaos al lavaderu. Un saludu.