La verdá ye que la semeya de la portada anterior teníemosla catalogada, na redacción de la fueya, como de les que yeren difíciles tirando a perdifíciles. Pero, ta claro, que pa dalgún de los nuestros concursantes nun esiste fotografía delguna de tala clase. El cabezaleru que fasta agora marchaba destacáu suma un puntu más, y agranda, asina, la distancia colos collacios que lu siguen na tabla clasificatoria:
Casio González Suárez, trece puntos; Xosé Antonio Camblor, ocho puntos; Lluis Ánxel Suárez, siete puntos; Xuacu García Cuello, siete puntos; Ramón González Suárez, seis puntos; Avelino González Suárez, seis puntos; Daniel Fernández García, cuatro puntos; Esteban Carcedo Roces, tres puntos; Xana Llaneza Prieto, dos puntos; Marta González Llaneza, dos puntos; Pedro Carcedo Roces, un puntu; Tomás Torre, un puntu.
Y, pa siguir col esitosu y virtual entretenimientu llariegu, mangamos, darréu, fotografía nuevo. ¿Qué ye y ónde s'afaya lo qu'apaez na imaxe de qui enriba?
Xosé Antonio Camblor dixo:
Julio, ¿cómo ye esto? Unes tienes dos dis (1) y otres una semana. Bueno, vamos con esta: son Los Cuarteles de La Cruz.
Avelino González Suárez dixo:
Hola Xulio, la semeya d´esta semana son Los Cuarteles, en La Cruz.
Daniel Fernández García:
Casio González dixo:
Hola collaciu. La semeya, nesta ocasión, son les cases de Los Cuarteles, en La Cruz. Un saludu.
(1) A ver, Xosé Antonio, la verdá ye que la foto del horro de Paniceres tuvo espuesta, nel portal de la fuya, dende'l martes, 8, al vienres, 11. Nesta edicion del concursu siempre procuramos tener cada semeya un mínimu de tres dis.