Aportaron dos mensaxes al buzón de la fueya barboliega con sendes rempuestes a la entruga sobro la identificación de la semeya de la portada anterior: una acertada y la otra non. Vémosles dafechamente arreblagando per esta saltaera dixital. Agora tenemos nuevu cabezaleru na clasificación xeneral: Toño, ventinueve puntos; Narciso, ventiocho puntos; Berto, venti puntos; Xuacu, selce puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Y siguimos con nueva semeya cola so correspondiente entruga: ¿Qué ye y ónde s'alcuentra lo que representa la imaxe de qui encima?

Narciso Suárez escribió:

A ver, qu'ando pequí tovía! Toi pasando un bache pela zona de La Cerezal... ja, ja. Esta pue que sea de lli tamién, pero paezme que ye la primer chabola que fexo Regueras en La Llosa´l Valle.

 

Efetivo, Narciso. Ye una chabola que s'alcuentra en La Llosa'l Valle, na finca que yera de Regueras (agora ye d'un de los fiyos), a la izquierda del carril que baxa pela llosa escontra'l Río. Asina, entóncenes, depués d'esti aciertu, la clasificación queda de la siguiente manera: Toño, ventinueve puntos; Narciso, ventinueve puntos; Berto, venti puntos; Xuacu, selce puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.