Nesta ocasión, allegaron, al buzón de la fueya barboliega, un total de cinco mensaxes con otres tantes rempuestes a la entruga sobro la identificación de la semeya de la portada anterior. Si les queremos ver puentero nun mos queda otru remediu qu'arreblagar per esta saltaera dixital.

Dempués de les correspondientes modificaciones, la clasificación queda agora de la manera que darréu s'amuesa: Narciso, ventidós puntos; Toño, venti puntos; Berto, diecisiete puntos; Xuacu, diez puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Y siguimos, siguimos... ¿Qué ye y ónde s'alcuentra lo que representa la imaxe de qui encima?

Narciso dixo:

Esta vez tirasti pa La Cerezal. Son Les Cases de Baxo.

Bueno hoi tuvi de reciclaxe. Subí a La Colladiella y cogí la senda arriba en El Texíu hasta Perabeles. Lo que pasa que tenía qu´haber dío con alguien que conociera la zona esa, porque yo los praos y eso nun sé cómo se llamen.El primer kilómetro y mediu aproximao ye un plano y baxen en bici. Hai qu'echai güevos jajjajaj.

Xosé Antón dixo:

Julio, andes saltando d'un sitiu pa utru, pero esto paezme que nun ye desconocío. Son Les Cases de Baxo. L'horreu que se ve ye de la familia de Pilar, la madre d'Arsenio y Manolo. A lo cimero vese la capilla d'El Vericiusu.

Alberto dixo:

Hola Xulio. Yá veo qu'anduvisti pe Les Caxes de Baxo, nel valle La Cerezal. Un Saludu.
 

Xuacu dixo:

Hola Xulio. Esta semeya ta pal valle La Cerezal, ye la recta de Les Cases de Baxo. La casa que se ve ye de la familia Presentina, más p'allá ta la cochera d'Arsenio. Y les cases que se ven per riba son de La Bornaína y de L'Ablanéu. Un saludu.

 

Correutes les cuatro rempuestes y puntos pa los acertantes. La clasificación,agora, queda, poro, asina: Narciso, ventitrés puntos; Toño, ventiún puntos; Berto, dieciocho puntos; Xuacu, once puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.