Xosé Ramón, Xosé Antonio, Xuacu y Esteban son los veceros que manden corréu con rempuesta correuta a la entruga sobre la identificación de la semeya de la portada anterior. Vamos a ser quien a vello si pasamos per esta buraca virtual.
La clasificación queda de la siguiente manera: Xuacu García Cuello, seis puntos; Marta González Llaneza, cinco puntos; Xosé Ramón González Suárez, cuatro puntos; Lluis Ánxel Suárez, dos puntos; Esteban Carcedo Roces, dos puntos; Xosé Antonio Camblor, dos puntos; Tomás Torre, un puntu.
Agora, como davezu facemos, pedimos que mos digáis qué ye y ónde s'afaya lo que representa la imaxe de qui enriba.
Xosé Ramón González dixo:
Buen día.
La semeya d'esta selmana,ye de la reguera Les Caecima. Nella
vese l'abandonáu llavadero y el fontán onde bebín les vaques. Digo bebín porque
casi naide tien ahora ganao, y lo qu'hai llévenlo a La Riega'l Turnu ó al
bebeeru de La Fuente la Caleya.
Un abrazu
Esteban Carcedo Roces dixo:
Xulio:
Esta semeya conózola bien pues paso pellí tolos dis, y ta nel pueblu de Les
Caecima, pegao a la güerta de Belarmo y al prau d'Aurino.