Tres mensaxes elléctrónicos son los que tenemos con otres tantes rempuestes a la entruga sobro la identificación de la semeya de la portada anterior. Dende equí lo podemos, tranquilamente, lleer.

Y nueva semeya cola correspondiente entruga. ¿Qué yé y ónde s'alcuentra lo que representa la imaxe de qui enriba?

Alberto González dixo:

Hola Xulio. Ye La Fuente'l Texíu, con un agua frío qu'enceta los dientes.

Xosé Antón Camblor dixo:

Esta ye La Fuente'l Texíu. Ta a la mano baxo de la pista que va pa La Campa Cimera, pa  riba  un cachu de la foto anterior.

Xuacu García dixo:

Hola otra vez, Xulio. La selmana pasá nun tuvi tiempu pa escribir y sabiála perfectamente. Bueno, vamos a la que ta puesta, ye la Fuente'l Texíu, que ta a la parte baxo la pista que va de La Colladiella a La Campa Cimera. De hi baxaba l'agua pal Bar Verano. 
Un saludu. 

Narciso Suárez dixo:

 El bebeeru esi será ahí p'arriba d'onde sacasti la foto d'El Sellón, pela pista que va pa La Campa Cimera, a la izquierda según se sube.

Berto, Toño y Xuacu son los qu'apurren, nesti casu, rempuesta correuta, y polo mesmo reciben de secute sendos puntos que-yos valen p'aumentar la so cuenta particular na riestra clasificatoria, que queda, agora de la manera que darréu s'amuesa: Berto, diez puntos; Narciso, nueve puntos; Toño, cinco puntos; Ástor, tres puntos;  Lluis Ánxel, dos puntos; Xuacu, dos puntos; Daniel, un puntu; Xana, un puntu.