Tenemos cinco nuevos mensaxes con rempuesta acertada a la entruga sobre la semeya correspondiente. De siguío, asoleyámoslos pa que toos los puedan lleer:
Esteban Carcedo Roces.- Xulio: Nesta ocasión tamién ye bastante fácil, pues son les cases d'El Cantu. Per la parte baxo ta la casa Duardo, y per la mano riba vese un poco la casa onde vivín Neli y Miguel, los padres de Casio.
Marta González Llaneza.- Xulio: Paezme qu'esto ye El Cantu, paezme que son la casa de Magali y la de Manuela al fondo. Un saludu.
Jesús Orviz González: Eso ye n'El Cantu, onde s'entra pa casa Duardo y Magali.
Joaquín Suárez Ordiz: Xulio, esta vez ye pal Cantu, la casa de Duardo.
Sergio Camblor: Son les cases d'El Cantu  onde vive Duardo. Pa lla, apegao, vivía y tenía la cuadra,  Miguelito, el güelu de Demelsa.
 La clasificación queda, entóncenes, depués d'añadir estos puntos de güei, de la siguiente manera: Marta González Llaneza, cuatro puntos; Miguel Ángel García Suárez, tres puntos; Esteban Carcedo Roces, tres puntos; Joaquín Suárez Ordiz, tres puntos; Demelsa González Viña, dos puntos; Jorge del Recerezal, dos puntos; Sergio Camblor, dos puntos; Jesús Orviz González: un puntu.