Recibiemos nel buzón dixital un total de cuatro mensaxes con rempuesta a la entruga sobro la identificación de la semeya de la portada anterior. Resultaron dafechamente correutes y podemos lleeles puentero pinchando nesti llaciu.

Agora la clasificación queda de la siguiente manera: Narciso Suárez Llaneza, cuatro puntos; Xuacu García Cuello, tres puntos; Xosé Antón Camblor, dos puntos, Ástor Llaneza Prieto, dos puntos, Vicente les Cases de Baxo, un puntu.

Asoleyamos, agora, una nueva semeya cola so correspondinte entruga: ¿Qué ye y ónde s'afaya lo que representa la imaxe de qui enriba?

Xosé Antón Camblor escribió:

Hola Julio, yá tamos en pista otra vez. Esta vez empieces mui fuerte, y col obxetivu mui cerráu. Tuvi qu'echar mano del comodín sinón escápame la semeya. Esto ye la cuadra de Pipi en Les Cases de Baxo, ta encima la carretera, apegá a la cochera de Mero.

Bien, Toño, ye correuta la rempuesta que mos unvíes. Yvalte, como nun podía ser d'otra manera, un guapu puntu.