Al buzón dixital de la fueya barboliega aportaron dos mensaxes con rempuesta a la entruga sobro la identificación de la semeya de la portada anterior, que podemos ver selemente si pinchamos nesti enllaz. Al nun resultar delguna d'elles acertada, la clasifiacción sigue de la mesma manera, ensin modificación: Toño, trenta y cuatro puntos; Narciso, trenta y dos puntos; Berto, venti puntos; Xuacu, decisiete puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.
Queremos ufri-yos a tolos veceros una nueva ocasión de dar col sitiu propuestu, asina que vamos a llantar una foto nueva con un poco más de campu visual. ¡Venga, xente, a por ella!: ¿Qué ye y ónde s'alcuentra lo que representa la imaxe de qui encima?
Toño Camblor escribió:
Julio, yo lo del agua como que non, soi mas de montaña. Bueno, ésta, la verdá, nun só onde situala, será per onde El Pozu Cerezal, a la mano riba. Chaoooooo
| Ye una pena que nun seya a dar,
delgún veceru participante, col sitiu de la semeya propuesta nin tan
siquiera con un mayor campu de visión. ¡Colo fácil qu'abultaba...!
Nun se trataba d'otra cosa que d'El Regueru'l Recerezal, un
poco más arriba de la curva de la carretera onde s'alcuentren los
restos del llavaderu del pueblu.
Y como nun hai nenguna novedá nel algame de nuevos puntos, la clasificación queda de la mesma manera na que s'alcontraba (y yá van dos vegaes de siguío): Toño, trenta y cuatro puntos; Narciso, trenta y dos puntos; Berto, venti puntos; Xuacu, decisiete puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu. |